Hiiraan: Faahfaahin: Qarax kale oo ka dhacay Beeldweyne

Qof bom isku xirey ayaa isku qarxiyey maqaaxi yar oo ku taaley dhinaca guriga gobolka, waxaana inta badan fariisan jirey shaqaalaha iyo ilaalada gobolka.

Ugu yaraan laba qof ayaa weerarka lagu diley waxaana ku dhaawacmey 15 qof oo kale sida laga soo xigtey maamulka gobolka Hiiraan.

Guddoomiyaha gobolka Hiiraan Cumar Aadan Ibraahim Baadiyoow oo saxaafadda la hadley ayaa sheegay in dhimashadu ay tahay laba qof iyo qofkii is qarxiyey.

Xiliga weerarku dhacaayey ayaa la sheegayaa in goobtaas ay ku sugnaayeen koox sufuxiyiin ah oo shaqo ku jirey waxaana ku dhaawacmey saddex suxufi oo u shaqeynaayey qaar kamid ah telefishanada Soomaalida.

Qaraxyadii Muqdisho sida ba’an uga dhici jirey ayaa u muuqda in ay u wareegeen magaalooyin kale, Maalintii Jimacada ayaa qarax kan lamid ah oo lala eegtey goob maqaaxi ah lagu diley afar qof.

Al-Shabaab ayaa sheegtey labada weerarba in ay ka danbeeyeen.

Leave a Reply

Your email address will not be published. Required fields are marked *